<<Մոմը որ լույս կու տայ իքնզինք նուիրելով կը մատնանշէ Զատկուայ խորհուրդը ուր Քրիստոս
կը նուիրէ իքնզինքը` աշխարհին սփռելով Յարութեան լոյսը։>> Ըսաւ Պենետիկտոս ԺԶ Սրբազան
Քահանայապետը Աւագ Շաբթուայ Երեկոյան Հսկումի Առթիւ։
Շաբաթ 7 Ապրիլի՝ երեկոյեան ժամը 9ին Պենետիկտոս ԺԶ. Սրբազան Քահանայապետը, Վատիկանի Սուրբ
Պետրոսի անուան Մայր Տաճարին մէջ, գլխաւորեց երեկոյեան հսկումի աղօթքը, ի պատրաստութիւն
՜՜Յիսուսի Սուրբ Յարութեան՝՝ տօնին։ Արարողութեան ընթացքին, տեղի ունեցաւ <<կրակի
օրհնութիւն>> ու մկրտութեան խորհուրդի մատակարարում։ Իր արտասանած Քարոզին մէջ Սրբազան
Հայրը խորհրդածութիւնը կեդրոնացուց <<Լոյսի>> վրայ մէջբերելով Գիրգ Ծննդոցէն քաղուած
Աստուծոյ խօսքը <<Թող Լոյս Ըլլայ>>։ Սուրբ Զատիկի օրը - ըսաւ Նորին Սրբութիւնը - Աստուած
նորէն << Թող Լոյս Ըլլայ>> կ՛ըսէ։ Սուրբ Զատկուայ տօնակատարութեամբ ստեղծագործութիւնը
կը նորոգուի։ Յիսուս Յարութիւն կ՛առնէ մեռելներէն։ Կեանքը կը յաղթահարէ մահուան։
Բարին կը յաղթահարէ չարին։ Սէրը կը յաղթահարէ ատելութեան։Եւ ճշմարտութիւնը կը յաղթահարէ
սուտին։ Մոմը սպարելով է որ լոյս կու տայ։ Լոյս կը սփռէ ինքզինք նուիրելով։ Այսպէսով
ան հրաշալի կերպով կը ներկայացնէ Զատկուայ Խորհուրդը ուր Քրիստոս ինքզինք կը նուիրէ աշխարհի
տալով <<հրաշալի Լոյսը>>։